تشرفت بها من الشاعرنادرالعنزي موجهه لي وبهايقول:
ياحموود هذا الوقت انا منه مهموم
خطيت لك حمود يميني وصيه
مما جرالي يافتى الجود اليوم
بيحت يامشكاي لك بالقضيه
من صغر سني ماترديت بعلوم
الحمد لله ماقبلت الدنيه
ماصار للي صار ابد عقل وسلوم
كلن جفاني والجفا اكبر بليه
سهران ليلي ماهنا عيني النوم
وشلون ابصبر والقضيه خفيه
ضاقت بي الدنيا شقا لوعته دوم
ياوين حايل العلا والبلويه
ابعد علي اللي تمنيت مقسوم
ياخوك لاميّت ولاني بحيَه
العمر يمضي والملا تجهل الحوم
ان الحياة اعمار اهلها فنيّه
ليه الوفا ياوافي الناس معدوم
ماعاد به صاحب يوافي لخويه
ياحموود وان جاك الخبر قيل مرحوم
اجمع قصيدي وشتته للبريه
اقبل تواضع كاتب عاش محروم
وهذا ختام القول مني هديه
بيّحت ياشاعر بلي كل مكتوم
وارجي عسى ردك يجيني وفيّه
"""""""""""""""""""""""""""""""
وقمت بالردعلى قصيدته الرائعه
بالابيات المتواضعه الاتيه
واللتي بها اقول:
يامرحبا باللي شكا الوقت مهموم
حييت يامن خصني باالشكيّه
ماهل مزنه بالحيا واسم اغيوم
وابتلت اعروق المخايل رويّه
عسا سنينه طايل العمر مقسوم
نادر مقامه مسندي بالوصيّه
ياصاحبي والامس متخالف اليوم
قل الزمن في صاحبه من خويّه
يا نوطها شف الطويله بزيزوم
شرواك يصبر ميلة الكود زيّه
الغيب خافي والي الغيب معلوم
يهناء خوالد فوز غيب الجزيّه
والحض لابده لياطاح مايقوم
لابد تدله مامضا من شقيّه
عسا سنينه ياسعد كل شغموم
مقبل حيا تك بالسعود الهنيّه
من يشكر الله بالعطاء كل محروم
كرب المنايا بالفجوج البهيّه
والختم شكري وافره كل معلوم
وتقصير عذري من دواني قصيّه
لامرك انا حاضر بماشئت واقوم
في عون رب الجود وال البريه
ماتطلبه دون الرخاء لذت النوم
تطول ياعف المشارف بغيّه
hamood_7212@hotmail.com
» سبحان عقوك
» غـلـطـة أأأأدم
» بــاكــررررـر
» صــدرالــجــبــال
» يارب بامرك من اتوب
» صــدوووور الـــنــــوش
» الارزااااااق
» ( نـثـر).... يــاهـــلابــــك ياهــلابــك